Nýrnalæknisfræði

Áherslur í rannsóknum innan fræðasviðsins

Eitt helsta viðfangsefnið er faraldsfræði og erfðafræði langvinns nýrnasjúkdóms. Rannsóknirnar beinast meðal annars að áhrifum breytileika í erfðavísum á framrás langvinns nýrnasjúkdóms og tengslum langvinns nýrnasjúkdóms við áhættuþætti hjarta- og æðasjúkdóma. Einnig eru rannsóknir á faraldsfræði og meðferð lokastigsnýrnabilunar mikilvægur hluti. Annað umfangsmikið verkefni snýr að faraldsfræði og erfðafræði nýrnasteinasjúkdóms. Loks má nefna rannsóknir á adenínfosfóríbósýltransferasa-skorti sem er sjaldgæfur erfðasjúkdómur er leiðir til nýrnasteina og nýrnabilunar. Allar þessar rannsóknir fara fram í samstarfi við innlendar og erlendar vísindastofnanir.