Guja Dögg Hauksdóttir

í stuttu máli (BIO)

Í framhaldi af stúdentsprófi af náttúrufræðabraut við Menntaskólann í Hamrahlíð árið 1985, fékk ég inngöngu í Arkitektskolen

í Aarhus í Danmörku og lauk þaðan sjö ára kandidatsgráðu í byggingarlist árið 1994. Lokaverkefni mitt þaðan, Fortællingerne

fortsætter (Sagnalist, fram haldið) var tillaga að rithöfundasetri með bókasafni og sal fyrir upplestra við Kleifarvatn á

Reykjanesi. Byggingin var staðsett í landslagi sem er litað af eldvirkni, auðn og dulúð, og leiðandi stef í hönnun hennar var

að stefna saman andstæðum í náttúru og menningu, efni og anda með jafnt vægi á hlutlægt form og huglægt rými, sögu og

heimspeki, efni og anda.

Þessi þverfaglega nálgun á sköpun, mótun og miðlun manngerðs umhverfis hefur fylgt mér og litað flest þau verk sem ég hef

komið að síðan.

Stuttu eftir útskrift var mér boðin kennslustaða við Arkitektskolen í Århus, þar sem ég kom að stofnun nýrrar deildar með

áherslu á fagurfræði, listir og tilraunamennsku í þverfaglegum tengingum við byggingarlist. Eftir sex ára þróunarstarf og

kennslu með annan fótinn í vinnu á arkitektastofu, fluttist ég aftur heim til Íslands þar sem ég hef unnið að margvíslegum

verkefnum með áherslu á vitrænt innihald og skynræna tjáningu í byggingarlist.

Annars vegar hef ég unnið að sjálfstæðum rannsóknarverkefnum og listrænni sköpun, við sýningarstjórn og -hönnun,

þáttagerð fyrir ljósvakamiðla og textaskrif. Þar á meðal eru eigin bækur og rit ásamt greinaskrifum í ritstýrðar bækur, tímarit

ofl. sem unnin eru ýmist undir formerkjum hefðbundinna akademískra vinnuhefða og leitandi listrannsókna.

Hins vegar hef ég unnið að þróunarverkefnum í kennslu og miðlun, námsefnisgerð og innsetningum í almenningsrými fyrir

og með börnum og ungu fólki, almenningi og háskólanemum, bæði hérlendis og í alþjóðlegu samhengi.

Jafnframt þessu gegndi ég stöðu deildarstjóra við Byggingarlistadeild Listasafns Reykjavíkur um sex ára skeið (2006-2011)

þar sem ég mótaði stefnu og miðlaði byggingarlist á vegum safnsins á ýmsu formi, með sýningum, fyrirlestrum, útgáfu ofl

Frá mars 2025 hef ég gegnt stöðu fagstjóra í B.Arch (bæði fræða og hönnunar) sem dósent við arktitektúrdeild Listaháskóla

Íslands, Þar hef ég meðal annars unnið rannsóknir á fræðasviði.