Ársskýrsla 2006 - Tilraunastöð Háskóla Íslands í meinafræði að Keldum

Tilraunastöðin er einkum vettvangur rannsókna á dýrasjúkdómum. Mörg rannsóknaverkefni eru samstarfsverkefni nokkurra aðila, innlendra sem erlendra, þ.á.m. virtar rannsóknastofnanir og háskólar á heimsmælikvarða. Tilraunastöðin hefur skapað sér sérstöðu með framúrskarandi rannsóknum m.a. vegna mannauðs og sérstakrar sjúkdómastöðu á Íslandi sem tiltölulega auðvelt er að halda skráningu yfir. Vegna einangrunar landsins eru hér vel skilgreindir dýrastofnar sem hafa annað næmi fyrir ýmsum sjúkdómum en gengur og gerist. Vegna smæðar landsins, góðs dýraheilbrigðiskerfis og góðrar framleiðslustýringar hér á landi þykja aðstæður henta vel til faraldsfræðilegra rannsókna. Rannsóknir á slíkum efnivið hefur gefið Tilraunastöðinni sérstöðu. Helstu smitefni rannsökuð eru príon, veirur, bakteríur og sníkjudýr. Auk þeirra fræðigreina sem koma beint að þessum smitefnum eru starf- ræktar ýmsar fræðigreinar sem miða að því að skýra samspil sýkils og hýsils, s.s. líffærameinafræði, ónæmisfræði, sameindalíffræði ofl. Ennfremur stuðlar Tilrauna- stöðin að hagnýtingu nýjunga á viðkomandi fræðasviðum, einkum greiningar á sjúkdómum í dýrum. Starfseminni er skipt í þrjár fagdeildir; 1) Veiru- og sameinda- líffræðideild, 2) Bakteríu- og sníkjudýradeild, og 3) Rannsóknadeild fisksjúkdóma.