Þjónusta og búferlaflutningar

Fjölbreytni verslunar, þjónustu, afþreyingar og menningar er vitaskuld mest
á höfuðborgarsvæðinu og íbúar þess sækja nær alla slíka þjónustu í heimabyggð. Stærri þéttbýlisstaðir á suðvestursvæðinu eru sjálfum sér nógir um
ýmsa þjónustu og þjónustusvæði þeirra teygja sig langt út fyrir áhrifasvæði
höfuðborgarinnar. Á Norðurlandi er þjónustusókn til Akureyrar mest annars
staðar úr EyjaϮrði en þjónustusvæði hennar fyrir sérhæfðari þjónustu nær um
allt Norðausturland. Um land allt sækir fólk hins vegar algengustu þjónustu í
heimabyggð eða til þjónustukjarna í næsta nágrenni. Brottϱutningar aukast almennt eftir því sem þjónustustig byggðarlaga er lægra, jafnframt því sem veikt
samband er milli brottϱutninga og akstursfjarlægðar til næsta stærri þjónustukjarna. Aðgengi að afþreyingu og menningu, verslun og þjónustu sem og
heilbrigðisþjónustu skiptir mestu máli í því sambandi. Aðgengi að þjónustu
skiptir konur meira máli en karla en sá munur er þó ekki mikill. Utan suðvestursvæðisins hefur þjónusta meiri áhrif á búferlaϱutninga eftir því sem byggðakjarnar eru minni. Þrátt fyrir nálægðina við höfuðborgarsvæðið skiptir aðgengi að afþreyingu og menningu miklu máli í fyrirhuguðum búferlaϱutningum frá suðvestursvæðinu til höfuðborgarsvæðisins.