Að birta vísindaefni í opnum aðgangi

Tilgangur þessa kafla er að upplýsa fræðimenn um opinn aðgang og útgáfu vísinda- og fræðigreina í slíkum aðgangi. Rætt er um mismunandi blæbrigði opins aðgangs og hvaða hindrunum honum er ætlað að fjarlægja fyrir lesendur. Útgáfa í tímaritaleiðinni er skoðuð og hver munurinn er fyrir höfunda og lesendur ef höfundar nýta sér að gefa greinar út í tímaritum sem bjóða upp á áskriftar-, platínu-, gullna- eða blandaða leið. Skoðað hvenær höfundar þurfa mögulega að greiða þjónustugjald fyrir birtinguna (APC). Fjallað um reglur tímarita um grænan aðgang og birtingar í varðveislusöfnum samhliða útgáfu greina í tímaritum. Sagt frá íslenskum stofnanavarðveislusöfnum sem bjóða upp á langtímavarðveislu, góða leitarvélabestun og birtingu á rafrænu vísindaefni. Fjallað um höfundarétt og afnotaleyfi með áherslu á sex samsetningar á fjórum valkostum leyfa frá Creative Commons. Markmið kaflans er að fræðimenn læri um opinn aðgang og þá valmöguleika sem þeir hafa varðandi útgáfu á vísinda- og fræðigreinum í opnum aðgangi í tímaritum og varðveislusöfnum.