Fullorðinsfræðsla á Íslandi: Greining á stefnu og rannsóknum

Skýrsla þessi inniheldur kerfisbundna greiningu á íslenskum rannsóknum um nám fullorðinna í samhengi við alþjóðleg stefnuskjöl, íslensk stefnuskjöl og lagatexta sem tengjast málinu. Markmið skýrslunnar er að setja fram niðurstöður
• kerfisbundinnar greiningar á innlendum og tengdum erlendum rannsóknum er varða nám og þjálfunarúrræði fyrir fullorðna á Íslandi,
• yfirlit um núverandi hugmyndir um nám og menntun fullorðinna eins og þær birtast í nýlegum framtíðarskýrslum UNESCO, OECD, Evrópuráðsins og annarra alþjóðlegra stofnana,
• skoða sérstaklega skipulag og framkvæmd fullorðinsfræðslu á Íslandi í tengslum við stefnu alþjóðastofnana,
• gefa yfirlit yfir helstu hugtök sem notuð eru í umræðu um nám fullorðinna á íslensku.