Hagvísir Vesturlands: Brottflutningar á Vesturlandi

Í þessum hagvísi verður spurt hvaða þættir séu líklegir til að fá íbúa til að íhuga brottflutning frá Vesturlandi. Ráðamenn
þjóðarinnar hafa haft áhyggjur af stöðugum straumi fólks frá landsbyggð til höfuðborgar. Ýmislegt hefur verið unnið á
vegum opinberra aðila til að sporna gegn þróuninni en árangurinn hefur þó ekki alltaf verið augljós. Vísbendingar eru fyrir
því að ákvörðun um brottflutning sé tvíþætt: þ.e. ákvörðun um flutning og síðan hvert skuli flutt. Ákveðið var að einbeita sér að annarri ákvörðuninni og kanna að þessu sinni hvaða þættir séu líklegir til að ýta við íbúum varðandi brottflutning frá heimhögunum. Byggt er á skoðanakönnun sem gerð var á Vesturlandi árin 2007 og 2010. Úrtakið (1400 í hvort skipti) var nægjanlega stórt til að brjóta upp Vesturland í fjögur mismunandi svæði. Svarhlutfallið var 36% árið 2007 og 38% árið 2010. Könnunin leiðir í ljós að klassískir þættir tengdir vinnumarkaði eins og atvinnuleysi og laun hafa mikið að segja um hvort fólk hugsi sér til hreyfings frá Vesturlandi. Fleiri þættir koma einnig við sögu.