Listhugtakið í heimspeki samtímans: Fjórar ritgerðir

Þessi bók inniheldur þrjár lykilgreinar um þetta efni og eina betur. Fyrst er hin sígilda grein Morris Weitz frá 1956 um hlutverk kenninga í fagurfræði, þar sem hann heldur því fram að listhugtakið sé „opið hugtak“ og ekki sé hægt að skilgreina list. Næst kemur hin fræga ritgerð Arthurs C. Danto um „listheiminn“ frá 1964, þar sem hann lagði út frá Brillo-kössum Andy Warhols. Þá er birt nýleg grein eftir George Dickie sem rekur áralangar tilraunir sínar til að gera grein fyrir listinni sem stofnun. Loks er prentuð þekkt grein eftir listamanninn Joseph Kosuth um hlutverk listarinnar þar sem hann heldur því fram að list sé skilgreining á list. (Heimild: Bókatíðindi)