NAIP meistaranámið og DaDOM: DaDom – Daily Dose of Music Evrópskt samstarfsverkefni um tónlist á heilbrigðissviði innan NAIP meistaranámsins

Þessi grein fjallar um þriggja ára Erasmus+ verkefnið DaDOM, eða Daily Dose of Music, þróunarverkefni um tónlist á heilbrigðissviði, sem hófst árið 2022 og er dæmi um samfélagsmiðað verkefni innan alþjóðlega NAIP meistaranámsins sem tónlistardeild Listaháskóla Íslands hefur tekist á hendur. DaDOM verkefninu er stýrt af Embrace Nederland, sjálfstæðri stofnun sem vinnur að ýmsum tónlistartengdum verkefnum innan heilbrigðisgeirans í Hollandi. Aðrir þátttakendur eru menntastofnanir á Fríslandi (Norður-Hollandi), Íslandi og í Litháen sem bjóða upp á nám fyrir sjúkraliða og félög tónlistarmeðferðarfræðinga í Litháen og á Íslandi. Innan Listaháskólans er það alþjóðlega NAIP meistaranámið sem hýsir verkefnið.