Tilkall til fortíðar. Saga fyrir konu sem ekki átti sögu.

Í greininni tekst höfundur á við eigin minningar og minningar fjölskyldu sinnar um leið og hún leitar leiða til að skrifa fræðilegan texta og draga upp mynd af lífi föðurömmu sinnar. Sigfríð Tómasdóttir fæddist á Seyðisfirði 31. maí 1907. Hún var ómagi, matráðskona og einstæð móðir. Saga hennar er ekki aðeins saga um hugmyndaríka og hjartahlýja alþýðukonu heludr fjallar hún einnig um flóknar fjölskyldugerðir, vináttu og valdahlutföll í íslensku samfélagi á tuttugustu öld. Vandamálið sem blasir við sagnfræðingnum sem skrifar sögu hennar er að Sigfríð skildi ekki mikið af heimildum eftir sig, aðeins örfá bréf og póstkort, einhverjar ljósmyndir og veraldlega muni, en töluvert af minningum sem greinarhöfundur leitar ólíkra leiða til að miðla svo að hægt sé að segja sögu af konu sem taldi sig ekki eiga erindi á sjöld sögunnar en greinahöfundur gerir nú tilkall til og telur að eigi erindi við aðra.