Lýsing
Þessi fyrirlestur kynnir heildstæða sýn á hvernig spunagreind (generative AI) getur styrkt nám og rannsóknir í háskólasamfélaginu. Fjallað er um þróun gervigreindar í æðri menntun, helstu tækifæri og áskoranir, og hvernig kennarar og nemendur geta nýtt verkfæri gervigreindar á ábyrgan, gagnrýninn og siðferðilega meðvitaðan hátt.Glærurnar sýna hvernig gervigreind getur stutt við alla helstu þætti rannsóknarferlisins, frá hugmyndavinnu og heimildaleit til úrvinnslu, skrifa og heimildaskráningar og draga fram fjölbreytt hagnýt tæki sem nýtast við textavinnslu, gagnagreiningu, sjónræna framsetningu og faglega ritrýni.
Jafnframt er lögð áhersla á mikilvægi gervigreindarlæsis, gagnsæis og fræðilegra heilinda, ásamt því að varpa ljósi á niðurstöður rannsókna um notkun AI í námi og þær siðferðilegu og tæknilegu spurningar sem fylgja. Fyrirlesturinn gefur þannig skýra og hagnýta verkfærakistu fyrir þá sem vilja samþætta gervigreind í akademískt starf af yfirvegun og fagmennsku.
| Tímabil | 22 okt. 2025 |
|---|---|
| Haldið að | Deild menntunar og margbreytileika |
| Viðurkenning | Innlent |