Lýsing
Þessi fyrirlestur fjallar um hvernig gervigreind er að umbreyta háskólastarfi og hvaða hlutverk forystukonur gegna í þessari þróun. Fyrirlesturinn skiptist í tvo meginhluta:Veruleikinn: Yfirferð á því hvernig gervigreind er í raun notuð í fræðastörfum í dag – allt frá hugmyndavinnu, heimildaleit og fræðilegri greiningu yfir í ritun og heimildaskráningu. Kynnt eru helstu gervigreindartól sem fræðafólk og nemendur nota og hvaða tækifæri og áskoranir fylgja þeim.
Ábyrgðin: Fjallað er um siðferðileg og fagleg álitaefni, þar á meðal gagnrýna hugsun, áreiðanleika gervigreindartóla, hættuna á fleipri (e. hallucinations) gervigreindar, mikilvægi gagnsæis, stefnumótunar, persónuverndar og hlutdrægni í tungumálalíkönum. Lögð er áhersla á að forystukonur leiði þessa þróun með því að setja skýrar reglur, efla færni í gervigreind og stuðla að ábyrgri menntun.
Fyrirlesturinn undirstrikar að gervigreind er bæði tækifæri og áskorun og að leiðtogar í menntun þurfa að tryggja að tæknin verði nýtt á siðferðilegan og gagnsæjan hátt.
| Tímabil | 3 nóv. 2025 |
|---|---|
| Viðburðartitill | Kappakonur 2025 - 3. nóv. 2025: Forystukonur í fræðslustörfum til áhrifa í menntun um allan heim |
| Tegund atburðar | Vinnufundur |
| Staðsetning | Kópavogur, ÍslandSýna á korti |
| Viðurkenning | Innlent |