Gervigreind sem tæki í námskeiðshönnun

Lýsing

Í þessum fyrirlestri deilir Sigurbjörg Jóhannesdóttir reynslu sinni af því að nýta gervigreind sem persónulegan aðstoðarmann við þróun námskeiðs um fjarkennslu og stafræna kennsluhætti, sem hluti af Evrópuverkefninu PLACEDU. Verkefnið byggir á niðurstöðum rannsókna sem meðal annars notuðu farsímaetnógrafíu og rýnihópaviðtöl, ásamt því að styðjast við evrópska hæfnirammann DigCompEdu. Sigurbjörg lýsir persónulegu ferli sínu við að læra á og meta gagnsemi ólíkra AI-verkfæra á borð við ChatGPT, Bing Chat Enterprise, Google Bard, Copilot og fleiri, við hönnun sjálfsnámsmódúls fyrir háskólakennara. Einnig fjallar hún um þá kosti og takmarkanir sem fylgja notkun þessara tækja og hvernig gervigreindin getur stutt við menntun þegar hún er rétt notuð – sérstaklega þegar kemur að því að byggja upp félagsleg tengsl, virkni og gagnvirkni í fjarnámi. Fyrirlesturinn gefur innsýn í hvernig hægt er að þróa eigið AI-aðstoðartæki með markvissri þjálfun og skýrum fyrirspurnum, og sýnir mikilvægi gagnrýninnar hugsunar í allri vinnu með gervigreind.

Tímabil	8 des. 2023
Viðburðartitill	Netmálstofa: Nýmennt – Nýsköpun og menntasamfélag Menntavísindasvið, Háskóli Íslands
Tegund atburðar	Málstofa
Staðsetning	Reykjavík, ÍslandSýna á korti
Viðurkenning	Innlent