Gervigreind í háskólabókasöfnum: Frá viðhorfum nemenda að hagnýtum leiðbeiningum fyrir upplýsingafræðinga.

Lýsing

Í námskeiðinu Internetið og upplýsingaleitir á námsleið Upplýsingafræði í Háskóla Íslands, er lögð rík áhersla á að þjálfa nemendur í að nýta gervigreind á faglegan og ábyrgan hátt. Nemendur öðlast færni í að nálgast, meta og nota upplýsingar í síbreytilegu umhverfi, með áherslu á hagnýtingu gervigreindar í leitartækni og textavinnslu, samhliða því að þróa gagnrýna hugsun og takast á við siðferðileg álitaefni.

Í erindinu verða kynntar niðurstöður úr spurningakönnun sem framkvæmd var meðal nemenda haustið 2024, þar sem skoðað var hvernig þeir upplifðu og mátu notkun gervigreindar í námi. Auk þess að draga fram sjónarmið nemenda verður sýnt hvernig gervigreind var nýtt í kennslunni sjálfri, með dæmum um gervigreindarverkfæri sem voru notuð.

Tímabil	12 sep. 2025
Viðburðartitill	Er þetta heimild? Gervigreindarlæsi og notendafræðsla á háskólabókasöfnum
Tegund atburðar	Ráðstefna
Staðsetning	Reykjavík, ÍslandSýna á korti
Viðurkenning	Innlent