Námskeið búið til með aðstoð gervigreindar. Deilt er reynslu af notkun mismunandi gervigreindarverkfæra til að búa til sjálfsnám fyrir háskólakennara um nám og kennslu í fjarnámi.

Lýsing

Í þessum fyrirlestri lýsir Sigurbjörg Jóhannesdóttir hvernig hún nýtti fjölbreytt gervigreindarverkfæri við þróun sjálfsnámsmódúls um nám og kennslu í fjarnámi fyrir háskólakennara, sem hluti af Evrópuverkefninu PLACEDU. Fyrirlesturinn byggir á eigin reynslu höfundar, sem jafnframt rannsakanda og þátttakanda í verkefninu, og sýnir hvernig AI getur verið bæði tæki til sköpunar, aðstoðar og sjálfsrýni í menntunarþróun.

Fjallað er um hvernig gervigreind var nýtt til að hanna efni sem svarar þeim áskorunum sem rannsóknir PLACEDU leiddu í ljós – meðal annars skortur á nærveru, gagnvirkni og félagslegum tengslum í fjarkennslu. Í ferlinu prófaði höfundur margvísleg AI-verkfæri (t.d. ChatGPT, Bing Chat, Google Bard, Copilot) og byggði eigin persónulegan aðstoðarmann með því að þjálfa mállíkön með fyrirliggjandi efni og skýr markmið.

Á sama tíma nýttu nemendur hennar í námskeiðinu Internetið og upplýsingaleitir fjölbreytt gervigreindartól í eigin verkefnum. Þar urðu til kynningar, myndbönd, pistlar, leiðbeiningar og skapandi afurðir sem sýndu hvernig gervigreind getur stuðlað að virku og dýnamísku námi.

Fyrirlesturinn endurspeglar þróunina frá örvæntingu yfir í sköpunarkraft og varpar ljósi á þá möguleika sem felast í því að umgangast gervigreind með gagnrýnni hugsun, sköpunargleði og tæknilegri útsjónarsemi.

Tímabil	13 des. 2023
Viðburðartitill	Kennsluspjall Heilbrigðisvísindasviðs, Háskóla Íslands
Tegund atburðar	Málstofa
Staðsetning	Reykjavík, ÍslandSýna á korti
Viðurkenning	Innlent