Lýsing
Þessi kynning byggir á niðurstöðum rannsóknar; ‘“Do As Your Teacher Tells You!” How Is AI Use Regulated in Nordic Higher Education Institutions?’, og er birt í Social Computing and Social Media, A. Coman and S. Vasilache, Eds., Cham: Springer Nature Switzerland, 2025, pp. 194–218. doi: 10.1007/978-3-031-93539-8_14.Í þessari kynningu/kafla var skoðuð stefnumótun, rammar og leiðbeiningar sem norrænir háskólar (frá Danmörku, Finnlandi, Íslandi, Noregi og Svíþjóð) höfðu sett fram varðandi notkun gervigreindar (GI). Norrænu löndin eiga það sameiginlegt að hafa sterka innviði sem styðja við samþættingu menntatækni. Markmiðið var að greina líkindi, mismun og gloppur í leiðbeiningum háskólanna til að gera þær hagnýtari og verðmætari fyrir kennara og nemendur. Fræðilegi ramminn byggði á leiðbeiningum og meginreglum byggðum á siðfræði gervigreindar, sérstaklega í háskólastarfi.
Innihaldsgreining var framkvæmd á 39 skjölum frá 12 háskólum. Greiningin leiddi í ljós tvö meginþemu í skjölunum: (1) Notkun gervigreindar í háskólastarfi og (2) Siðferðilegar meginreglur í leiðbeiningum um gervigreind í háskólum.
Norrænir háskólar leggja áherslu á ábyrga notkun gervigreindar með tilliti til siðferðilegs, kennslufræðilegs og stofnanalegs heiðarleika. Niðurstöður rannsóknarinnar veita dýrmæta innsýn í hvaða atriði ætti að taka með inn í leiðbeiningar um siðferðilega notkun gervigreindar í háskólastarfi. Þær sýna að auk meginreglna þarf einnig hagnýt dæmi bæði fyrir kennslu og nám.
Niðurstöðurnar benda til þess að frekari rannsóknir, sameiginleg umræða og samvinna séu nauðsynleg. Þá kom í ljós að skortur er á þáttum er varða samfélagslega og umhverfislega velferð, sem gefur tilefni til áframhaldandi þróunar stefnumótunar.
| Tímabil | 25 jún. 2025 |
|---|---|
| Viðburðartitill | HCI International 2025: SCSM: Social Somputing and Social Media / S191: Communication and Creativity in the AI Era |
| Tegund atburðar | Ráðstefna |
| Staðsetning | Gothenburg, SvíþjóðSýna á korti |
| Viðurkenning | Alþjóðlegt |
Skjöl og tenglar
Tengt efni
-
Virkni
-
Reglur, sveigjanleiki og siðferði: Gervigreind í íslenskum og norrænum háskólum
Virkni: Erindi eða kynning › Munnleg kynning
-
Rannsóknarafurðir
-
“Do As Your Teacher Tells You!” How Is AI Use Regulated in Nordic Higher Education Institutions?
Rannsóknarafurð: Kafli í bók/skýrslu/ráðstefnuriti › Kafli › ritrýni
-
Reglur, sveigjanleiki og siðferði: Gervigreind í íslenskum og norrænum háskólum
Rannsóknarafurð: Framlag á ráðstefnu › Útdráttur › ritrýni