Hópastjórnun með Hvatningarleikjum: Áhrif á hegðun, námsástundun og hávaða í kennslustofum

Lýsing

Hvatningarleikurinn (e. Good Behavior Game) er gagnreynd bekkjarstjórnunaraðferð byggð á hagnýtri atferlisgreiningu sem nýtir hópstyrkingarskilmála til að hvetja nemendur til að vinna saman sem lið og fylgja settum reglum í kennslustundum.Könnuð voru áhrif tveggja útgáfa leiksins á truflandi hegðun, námsástundun og hávaða í kennslustofum. Í áminninga-útgáfunni, fengu lið áminningu um viðeigandi hegðun ef nemendur sýndu óæskilega hegðun og lið með áminningar innan viðmiða unnu leikinn. Í táknstyrkjaútgáfunni, veittu kennarar liðum táknstyrkja fyrir viðeigandi hegðun og lið sem náðu viðmiðum unnu leikinn. Í báðum útgáfum fengu vinningslið stutta félagslega umbun. Þátttakendur voru 17 nemendur, í 1.-2. bekk í tveimur grunnskólum á höfuðborgarsvæðinu, tilnefndir af umsjónarkennurum úr tveimur 30 nemenda hópum vegna hegðunarerfiðleika og lítillar námsástundunar. Margþátta einliðasnið (e. multi-element designs) sýndu að báðar útgáfur höfðu jákvæð áhrif á markhegðun. Að meðaltali sýndu þátttakendur 47-49% meiri námsástundun og 74-84% minni truflandi hegðun þegar Hvatningarleikir voru notaðir. Hávaði lækkaði úr 58-64 dB í hefðbundinni kennslu í 51-56 dB með áminningaútgáfunni og 47-50 dB með táknstyrkjaútgáfunni. Helmingur kennara og 75% nemenda þótti táknstyrkjaútgáfan betri. Niðurstöður benda til þess að Hvatningarleikurinn, óháð útgáfu, geti aukið námsástundun og minnkað truflandi hegðun nemenda, sem gefur kennurum val um útgáfu sem hentar eftir aðstæðum og nemendahópi

Tímabil	3 okt. 2025
Viðburðartitill	Menntakvika 2025: Ráðstefna í menntavísindum
Tegund atburðar	Ráðstefna
Staðsetning	Reykjavík, ÍslandSýna á korti
Viðurkenning	Innlent