Háskóli Íslands
Virkni: Þátttaka í eða skipulagning viðburðar › Skipulagning á ráðstefnu, námskeiði, …
Í fyrsta erindinu verður sjónum beint að játningum þeirra sem ákærðir voru fyrir galdra og sönnunargögnum gegn þeim. Spurningin snýst bæði um heimildagildið og hvað skjölin segja um galdraiðkun og kukl á Íslandi á 17. öld. Í öðru erindinu er fjallað um morðmál og aftöku á Austurlandi á 18. öld. Nú er komið í leitirnar afrit dómsins á íslensku og verður lagt mat á það hvort eitthvað nýtt komi fram um ódæðið. Í þriðja erindinu verður fjallað um sakamál í N- og S-Múlasýslu á tímabilinu 1750 til 1900. Byggt er á úrvinnslu gagna úr dómabókagrunni Þjóðskjalasafns Íslands. Unnur Birna Karlsdóttir skipulagði málstofuna. Fyrirlesarar: Már Jónsson prófessor í sagnfræði við HÍ, Jón Jónsson þjóðfræðingur og forstöðumaður Rannsóknaseturs HÍ á Ströndum og Unnur B. Karlsdóttir rannsóknaprófessor og forstöðumaður HÍ á Austurlandi.