Kynning á störfum undirbúningshóps Fjarska

Lýsing

Sumarið 2023 hófst undirbúningur fyrir stofnun Fjarska - samtaka um fjarnám og stafræna kennsluhætti, með því að taka viðtöl við forsvarsmenn slíkra samtaka í Noregi, Svíþjóð, Danmörku og Færeyjum. Þann 29. júní 2023 var haldinn hugmyndafundur á Zoom, þar sem mættu 35 einstaklingar frá tólf vinnustöðum. Niðurstöður fundarins sýndu að 71% þátttakenda töldu þörf á að stofna samtök um fjarnám og stafræna kennsluhætti en aðeins 4% fannst þau ættu aðeins að fjalla um fjarnám. 21% voru ekki viss um hvort þau ættu að vera fyrir fjarnám eða líka stafræna kennsluhætti.

Úr hugmyndavinnu fundarins komu fram tólf megináherslur fyrir tilgang og áherslur samtakanna: 1) Aðgengi; 2) Hagsmunasamstarf (e. advocacy); 3) Framkvæmd; 4) Framþróun; 5) Gæði; 6) Hæfniþróun; 7) Miðlun; 8) Rannsóknir; 9) Samstarf; 10) Sýnileiki; 11) Vettvangur; 12) Viðburðir; og 13) Þróunarstarf. Fundurinn komst að þeirri niðurstöðu að samtökin ættu að vera vettvangur miðlunar og samstarfs, vera með viðburði, styðja við og vekja athygli á rannsóknum og þróunarstarfi, auka sýnileika fjarnáms og þrýsta á stjórnvöld varðandi stefnumótun.

Í lok október 2023 hóf störf undirbúningshópur sem samanstóð af þeim sem lýstu áhuga á hugmyndafundinum. Undirbúningshópurinn hefur haldið reglulega fundi síðan þá, þrettán samtals og undirbúið stofnun samtakanna sem voru formlega stofnuð 12. júní 2024.

Að lokum var ný vefsíða samtakanna kynnt: [https://fjarska.is](https://fjarska.is).

Tímabil	12 jún. 2024
Viðburðartitill	Stofnfundur Fjarska - samtaka um fjarnám og stafræna kennsluhætti
Tegund atburðar	Annað
Staðsetning	ÍslandSýna á korti
Viðurkenning	Innlent