Opið og sveigjanlegt fjarnám í norrænu samhengi

Lýsing

Þessi pallborðsumræða mun beinast að norrænu svæðisneti, NordFlexOn, fyrir opið, sveigjanlegt og fjarnám (OFDL) sem var stofnað af ICDE árið 2019. Markmið netsins eru að greina möguleika og áskoranir sem kunna að koma upp við innleiðingu og þróun OFDL á Norðurlöndum; stuðla að hágæða OFDL; og auðvelda þverþjóðlegt samstarf og miðlun þekkingar úr rannsóknum og starfsháttum á sviði OFDL á svæðinu. Fjögur af þátttökulöndunum hafa haft landsamtök fyrir OFDL í mörg ár, en eitt land (Ísland) hyggst stofna slík samtök.

Í kynningu okkar munum við greina frá niðurstöðum samanburðarrannsóknar á milli fjögurra norrænna OFDL-samtaka sem byggð er á viðtölum við fulltrúa þeirra og greiningu á upplýsingum af vefsíðum samtakanna varðandi aðild, fjármál, markmið, netveru, viðburði, verkefni, miðlun og samfélagsleg samskipti sem og áskoranir og árangur.

Í pallborðsumræðunni munum við fjalla um hvernig þessar upplýsingar geta nýst þátttakendum í NordFlexOn og öðrum svæðisbundnum netum eða landsamtökum við innleiðingu og þróun OFDL og tengslamyndun í nýju menntakerfi sem byggir á OFDL. Einnig mun umræðan beinast að alþjóðlegri málsvörn ICDE (Global Advocacy Campaign – GAC) fyrir opið, sveigjanlegt og fjarnám og hvernig NordFlexOn hyggst vinna í samræmi við GAC ICDE í norrænu samhengi.

Tímabil	8 nóv. 2023
Viðburðartitill	29th ICDE World Conference Costa Rica, 2023. Joining Hands in Peace for the Futures of Education
Tegund atburðar	Ráðstefna
Ráðstefnunúmer	23
Staðsetning	San José, Kosta RíkaSýna á korti
Viðurkenning	Alþjóðlegt