Lýsing
Skólanefndir hafa verið til staðar í íslensku menntakerfi í meira en hundrað ár. Samkvæmt lögum skal vera skólanefnd í hverju sveitarfélagi og fer hún með málefni grunnskóla. Hlutverk þeirra er meðal annars að staðfesta starfsáætlanir, fylgjast með framkvæmd náms og kennslu og gera tillögur um umbætur í skólastarfi. Þá eiga skólanefndir að stuðla að því að nemendur og skólum sé tryggður aðgangur að skólaþjónustu og hafa eftirlit með að ákvæðum laga og reglugerða um skólastarf séu uppfyllt.Í erindinu verður rýnt í hlutverk og starf skólanefnda á sveitarstjórnarstiginu og spurt gagnrýnna spurninga um raunverulega starfsemi þeirra og áhrif á skólastarf. Spurt er hver er virkni skólanefnda og hvernig kjörnir fulltrúar í skólanefndum upplifa áhrif sín og möguleika til að móta faglegt skólastarf sveitarfélagsins.
Aðferðarfræði rannsóknarinnar byggist annars vegar á tölulegri samantekt á fundum, fundargerðum og stefnumótun hjá skólanefndum allra sveitarfélaga landsins á árinu 2024. Hins byggir aðferðarfræðin á eigindlegum rannsóknum, þ.e. viðtölum við tíu skólanefndarmenn úr tíu sveitarfélögum á Íslandi á árinu 2024.
Niðurstöður benda til að almennt séu fundir ekki umfangsmiklir, lítið um skýrar ákvarðanir og leiðsögn til skólanna. Á sama tíma birtast ýmsar hindranir og áskoranir sem gera starf kjörinna fulltrúa krefjandi. Niðurstöður úr viðtölum benda til að kjörnir fulltrúar skólanefnda upplifi óöryggi og skort á stuðning í störfum sínum. Áhugi þeirra á skólamálum kemur skýrt fram og vilji til að styðja skólastarf en á sama tíma telja þeir sig ekki hafa mikil áhrif á faglegt starf skólanna.
| Tímabil | 3 okt. 2025 |
|---|---|
| Viðburðartitill | Menntakvika 2025: Ráðstefna í menntavísindum |
| Tegund atburðar | Ráðstefna |
| Staðsetning | Reykjavík, ÍslandSýna á korti |
| Viðurkenning | Innlent |
Lykilorð
- Sveitafélög
- Fagmennska
- Skólastarf