Lýsing
Nemendur voru almennt mjög ánægðir með námskeiðið og kennsluna. Nefnt var að kennarinn væri vel skipulagður og veitti góða endurgjöf á réttum tíma. Námsefnið var talið mjög áhugavert og gagnlegt, sérstaklega hvað varðaði hvernig hægt væri að nýta veraldarvefinn og gervigreind betur. Nemendur voru einnig ánægðir með uppsetningu Canvas, sem þeir töldu vera skýra og auðvelda í notkun. Verkefnin voru metin fjölbreytt og vel dreifð yfir námskeiðið og námsmatið var talið sanngjarnt og skilvirkt. Einn nemandi sagði að umræðurnar í upphafi hverrar viku, í byrjun námskeiðs, hafi verið mjög gagnlegir fyrir nemendur til að tengjast og stuðla að samvinnu.Hins vegar nefndi einn nemandi að það væri of mikið af lesefni í námskeiðinu, sem veitti honum lítinn tíma til að prófa það sem lært var. Einn taldi að það væri of mikil áhersla á gervigreind, sem ekki hefði komið fram í kennsluáætlun námskeiðsins í kennsluskrá. Einnig var tímasetning Zoom funda í hádegi, óhentug. Einn nemandi benti á að hann vildi betri lýsingar á verkefnum, sérstaklega í leitarleiðarvísinum. Einn nemandi sagði að hann hefði vilja lengri skilafrest í umræðum í Canvas og annar sagði að það myndi bæta námskeiðið að hafa vikuleg próf til að dýpka skilning nemenda á námsefninu.
| Tímabil | 6 okt. 2024 |
|---|---|
| Haldið að | Félagsfræði-, mannfræði- og þjóðfræðideild |
| Viðurkenning | Innlent |