Lýsing
Fyrirlesturinn fjallar um viðhorf kennara við Háskóla Íslands til notkunar gervigreindar í kennslu og námi árið 2025. Niðurstöður byggja á spurningakönnun þar sem bæði megindleg og eigindleg gögn voru greind. Rannsóknin sýnir að kennarar eru almennt jákvæðir gagnvart notkun gervigreindar og sjá tækifæri til að styðja við kennslu og nám. Þeir telja hana meðal annars gagnlega við undirbúning kennslu, þróun námsefnis og hugmyndavinnu.Jafnframt kemur fram að kennarar eru að mörgu leyti jákvæðir gagnvart því að nemendur nýti gervigreind til að styðja við nám sitt, til dæmis við upplýsingaleit, skilning á námsefni og undirbúning verkefna. Hins vegar eru meiri efasemdir um notkun hennar við textagerð og sjálfstæða vinnu nemenda.
Niðurstöður benda einnig til þess að kennarar hafi áhyggjur af áhrifum gervigreindar á dýpt náms, gagnrýna hugsun og akademísk heilindi. Þrátt fyrir jákvætt viðhorf undirstrika niðurstöðurnar mikilvægi skýrra leiðbeininga, siðferðilegrar umræðu og stuðnings við kennara og nemendur til að tryggja ábyrga notkun gervigreindar í háskólasamfélaginu.
| Tímabil | 19 feb. 2025 |
|---|---|
| Viðburðartitill | Málstofa: Raddir kennara Háskóla Íslands í stafrænni byltingu. Gervigreind í HÍ: Staða, viðhorf og framtíðarhorfur |
| Tegund atburðar | Málstofa |
| Staðsetning | Reykjavík, ÍslandSýna á korti |
| Viðurkenning | Innlent |