Þessi kynning fjallar um hvernig kennarar geta nýtt MUSIC módelið (MUSIC model of motivation) til að efla áhuga, þátttöku og árangur nemenda í námi. Módelið samanstendur af fimm lykilþáttum sem stuðla að innri hvata: Valdeflingu (Empowerment), Gagnsemi (Usefulness), Árangri (Success), Áhuga (Interest) og Umhyggju (Caring).
Kynnt er hvernig þessir þættir birtast í námsumhverfi og hvernig hægt er að meta og styrkja hvern þeirra með skipulagi náms og kennslu. Fjallað er um sannprófun íslenskrar útgáfu mælitækis MUSIC módelsins og niðurstöður úr netkönnun meðal nemenda í námskeiðinu OSS111f við Háskóla Íslands. Einnig er bent á aðgengileg verkfæri og leiðbeiningar sem hjálpa kennurum við að innleiða módelið í eigin kennslu.