Menntavísindavarpið: Kynþátta-og menningarfordóma í daglegu lífi ungs fólks

Lýsing

Markmið Menntavísindavarpsins er að kynna rannsóknir fræðafólks Menntavísindasviðs, ásamt því að kynnast rannsakendum og fjölbreyttum hliðum menntarannsókna.

Efni

Í þessum þætti fáum við til okkar Semu Erlu Serdaroglu, aðjúnkt við Menntavísindasvið í tómstunda- og félagsmálafræði og aktívista fyrir réttindum flóttafólks og hælisleitenda á Íslandi. Sema segir okkur frá rannsókn sinni um kynþátta-og menningarfordóma í daglegu lífi ungs fólks þar sem hún skoðar upplifun þeirra af slíkum fordómum og einelti sem einkennist af þeim. Sema gefur okkur einnig innsýn inn í aðra rannsókn sem hún gerði ásamt Ingunni Hreinberg um hættulega orðræðu og hvernig hennar rannsóknir og starf sem aktívisti spila saman.