Hljóðskynjun og -myndun annarsmálsnema íslensku

Í fjölbreyttu íslensku samfélagi eiga samskiptaörðugleikar einstaklinga á milli oft rætur sínar að rekja til misskilnings sem kemur til vegna frávika í framburði annarsmálshafa íslensku eða þess sem oft er vísað til sem erlends hreims. Enn er nokkuð óljóst hvaða hljóð í íslenskum framburði reynast annarsmálshöfum erfið þegar kemur að skynjun og, í kjölfar, myndun hljóðanna. Með því að skoða markvisst tengsl milli skynjunar framburðareinkenna í íslensku og myndunar þeirra svo og bakgrunns annarsmálshafa verður okkur gert kleift að bera kennsl á þau einkenni sem þurfa meiri athygli í framburðarkennslu íslensku sem annars máls og þróa nemendamiðaðar kennsluaðferðir sem taka tillit til bakgrunns málnemanna.